TWNIC

台灣網路資訊中心 - 回首頁

  • 作品名稱

    麵線紡織娘

  • 作 者

    張芳莉

阮是追日頭的人,
日頭吶出來,
阮就趕緊將麵線拿出來曬。
日頭在哪,阮就在那。

阮是追日頭的人,
別人攏愛黑陰天,卡涼!
阮卻是愛日頭赤炎炎。
因為阮的麵線愛作日光浴。
僅管阮的汗水滴咖大粒滴、小粒滴,
只要阮的麵線曬得羅ㄛ羅,
阮就歡喜。

雖然細漢時環境不好,麥凍呼阮讀書。
可是,阮對安怎做麵線記卡牢牢,
比讀書人卡厲害!

阮從少年做到老,從小姐做到歐巴桑。
手指頭從細隻,做到這大隻。
門口庭的麵線就親像我的白頭棕,
一撮一撮,一絲一絲。

阮是追日頭的人,
阮的麵線裡有日頭光的味。
只要你愛吃阮的麵線,
阮的辛苦就有價值,
阮的人生就有意義。